2016年10月29日 星期六

陳根記隔籬嗰個腦細真係用心良苦……

當你行開沙田,想遠離新城市廣場連鎖舖頭氾濫,要食大排檔。當你穿過一個商場,去到瀝源邨……再穿多個商場,去到禾輋邨……商場間Aeon,終於去到陳根記,發覺無位,你要等位。當你之後有重要節目,而你行左三個字,又三個字,終於去到隔籬間大牌檔(到時你就會知道邊間),你係可以經歷到一個驚險刺激嘅旅程。

好啦!你去陳根記都係要食手撕雞姐,咁去到隔籬,自然都要食返佢個Wasabi蟹子手撕雞($98)

當你見到個樣之後,你就會知道腦細用心良苦,
見到OL要食沙律減肥,但驚佢地唔夠營養,就加幾條雞絲俾佢;知道OL要崇日,就喺沙律上面加幾粒蟹子落去。點解無澱粉質呢?因為根本無呢個需要,就咁食完呢碟嘢肯定飽曬。加幾條冷麵,驚你食唔落,製造廚餘,浪費食物。我哋叫左兩碗白飯,就真係有剩。

食肉要食菜,叫多個啫啫通菜煲,點睇?菜唔算油,蝦醬都唔算太重味,送幾粒肉碎。咪住,點解層油咁厚嘅?咪話左囉!大排檔嘛!叫完有鑊氣嘅嘢(雖然呢煲真係無),一定要叫支啤酒!阿媽都話啦!空肚飲酒會削胃嘛(醫生都話飲酒有油無咁易醉啦!)!邊個叫呢度唔好似隔籬陳根記咁,買酒要自己行過去Counter姐?(
阿姐話青島$20,藍妹$27。咁叫青島算!未食曬碟沙律之前,原本打算叫多碟豉椒炒X,阿姐話聖子無,炒蜆都無!你食得大排檔,都係要本土姐!咁麥嘜麥兜都係本土啊!(校長去左邊啊?)
飲完一杯青島,即刻食到食物真味!
呢間嘢,發現一個現象,就係6:30前都唔會有人入去,愈接近7:30,就會愈多人入去。呢間嘢Maybe 啲 Taste會不停咁Change……即係愈夜愈好食囉!I think 呢……大家有無聽過
Economies of Scarrrre(scale)啊?即係規模經濟,即係大排檔隔籬開多間大排檔,點都會有Benefits囉。唔知佢啲料係咪一齊買,但肯肯定陳根記一定會漏客過隔籬……

+兩個白飯
埋單$158
真係仲未知邊間?間嘢叫樂園啊!不過呢度無沙爹牛西多,都無得飲紅豆奶茶

沒有留言:

張貼留言